‘जेलर’का दानी निर्माता : रजनीकान्तलाई १ करोड र निर्देशकलाई डेढ करोडको उपहार

काठमाडौँ - ‘जेलर’ निर्माताले फिल्मले बम्पर कमाइ गरेपछि यसको महत्वपूर्ण हिस्सा निर्देशक र अभिनेता रजनीकान्तलाई पनि बाँडेका छन् । फिल्मका निर्माता कलानिथी मारनले रजनीकान्तलाई १ करोडको गाडी उपहार दिएका छन् भने निर्देशक नेल्सनलाई डेढ करोडको कार उपहार दिएका छन् । 

फिल्मले विश्वभरबाट ६ सय करोड बढी कमाइ गरेपछि निर्माताले रजनीकान्तको घर गएर रोज्जा गाडी छान्न आग्रह गरेका हुन् । निर्माताको आग्रहमा रजनीले बीएमडब्ल्यू एक्स सेभेन छानेका थिए । 

उता फिल्मका निर्देशकलाई भने निर्माताले दुइटा कार उपहार दिएको समाचारमा उल्लेख छ । रजनीकान्तको मुख्य भूमिका रहेको फिल्म अगस्ट ११ मा रिलिज भएको थियो । तेलगुमा ‘भोला शंकर’ र हिन्दीमा ‘गदर २’सँग जुधेको फिल्मले अहिलेसम्म ५ सय ६४ करोड नेट कमाइ गरेको छ ।