बागमतीमा सभामुखले बोलाए सर्वदलीय बैठक
भदौ २३, २०८० शनिबार १९:४०
काठमाडौँ- बागमती प्रदेश सभाका सभामुख भुवनकुमार पाठकले आइतबार सर्वदलीय बैठक डाकेका छन् । दुई महिनापछि भदौ १८ गते बोलाइएको प्रदेश सभा बैठक एमालेसहितका विपक्षी दलको चेतावनीपछि भदौ २४ गते आइतबारका लागि बोलाइएको छ ।
तर, आइतबारको बैठक पनि सञ्चालन हुने अवस्था नदेखेपछि सभामुख पाठकले सत्तापक्ष र प्रतिपक्षबीच सहमतिका लागि सर्वदलीय बैठक बोलाएका हुन् ।
सभामुख पाठकले आइतबार बिहान १० बजेका लागि सर्वदलीय बैठक बोलाएका छन् । आइतबारको सर्वदलीय बैठकबाट सहमति जुट्न सकेको अवस्थामा भदौ २४ गते आइतबार बिहान ११ बजेका लागि बोलाइएको बैठक सञ्चालन हुने उनले बताए । असार २२ गतेपछि प्रदेश सभा बैठक बस्न सकेको छैन ।
भदौ १८ गतेका लागि आह्वान गरिएको प्रदेश सभा बैठक पनि सरकार र विपक्षी दलहरूबीच सहमति हुन नसकेपछि तीन पटक स्थगित भइसकेको छ ।
झौखेलका पाँच खानेपानी उद्योगलाई प्रतिबन्ध
सडक दुर्घटना कम गर्न सडक सङ्केत राख्दै काठमाडौँ महानगर
गण्डकी प्रदेशका पूर्वप्रमुख गुरुङको निधन
गाडीले ठक्कर दिँदा मोटरसाइकल चालकको मृत्यु
नक्कली नोटसहित दुई जना पक्राउ
दिदीबहिनी मृत फेला
चितवन राष्ट्रिय निकुञ्ज : वन्यजन्तुको आक्रमणबाट एक वर्षमा ११ जनाको मृत्यु
प्रतिक्रिया