कांग्रेस केन्द्रीय समितिको बैठक असोज ४ मा बस्ने

काठमाडौँ–नेपाली कांग्रेसको केन्द्रीय कार्यसमितिको बैठकको असोज ४ मा बस्ने भएको छ । यसअघि असोज २ मा बस्ने कार्यतालिका भए पनि उक्त दिन बैठक बस्न नसक्ने भएकाले ४ गतेलाई सारिएको कांग्रेसले जनाएको छ । 

‘नेपाली कांग्रेस केन्द्रीय कार्यसमितिको बैठक २०८० असोज २ गते पार्टीको केन्द्रीय कार्यालय, वीपी स्मृति भवन, वीपीनगर, ललितपुरमा बस्ने भनिएकोमा उक्त बैठक २०८० असोज ४ गते दिउँसो १ः०० बजे बस्ने भएको छ,’ कांग्रेसले जारि गरेको विज्ञप्तिमा लेखिएको छ, ‘उक्त बैठकमा केन्द्रीय कार्यसमितिका पदाधिकारी एवं सदस्यहरूको उपस्थितिका लागि निर्देशानुसार अनुरोध गरिन्छ ।’