साफ यू-१९: भारतसँग सेमिफाइनलमै हार्यो नेपाल

काठमाडौँ- यू–१९ साफ च्याम्पियनसिपको सेमिफाइनलमै भारतसँग नेपाल पराजित भएको छ । दशरथ रंगशालामा भएको दोस्रो सेमिफाइनलमा नेपालले पेनाल्टी सुटआउटमा भारतसँग हारेको हो । नेपाललाई पेनाल्टी सुटआउटमा ३–२ गोल अन्तरले पराजित गर्दै भारत प्रतियोगिताको फाइनलमा प्रवेश गर्यो । भारतले उपाधिकालागि पाकिस्तानसँग प्रतिस्पर्धा गर्नेछ ।

निर्धारित समयको खेल १–१ गोलको बराबरीमा सकिएपछि खेल पेनाल्टी सुटआउटमा गएको थियो । यसअघि भारतले २६ औं मिनेटमा शाहिल खुर्सिदको गोलबाट खेलमा अग्रता लिएको थियो । पहिलो हाफमा भारत १–० ले अघि बढेको थियो ।  खेलको ७४ औं मिनेटमा समिर तामाङले गोल गर्दै नेपाललाई खेलमा फर्काएका थिए । तर पेनाल्टी सुटआउटमा नेपालका तीन खेलाडी चुक्यो । पहिलो सेमिफाइनलमा भुटानलाई सडनडेथमा हराउँदै पाकिस्तान फाइनल प्रवेश गरेको थियो ।