कार्यकर्ताले चाहेको हो भने कार्यकर्ताबाटै सभापति चुन्ने व्यवस्था राख्नुपर्छ : नेता पौडेल

काठमाडौँ- नेपाली कांग्रेसका नेता प्रदीप पौडेलले कार्यकर्ताले केन्द्रीय सभापति आफैँ चुन्न खोजेको हो भने सोही अनुसारको व्यवस्था गर्नुपर्ने बताएका छन् ।

आइतबार काठमाडौँमा आयोजित १४ औं महाधिवेशनको म्याण्डेट र पार्टी रूपान्तरणको जल्दाबल्दा सवाल विषयक गोष्ठीमा बोल्दै उनले यस्तो बताएका हुन् । उनले कार्यकर्ताले पार्टीको नेतृत्वले प्रत्यक्षमा वा समानुपातिकमा जसलाई टिकट दिन्छ, त्यसलाई सधैंभर थोपर्छ, अन्याय गर्छ भन्ने लाग्ने हो भने पार्टीभित्र प्राइमरी इलेक्शनको व्यवस्था गर्नुपर्ने बताए ।

उनले पार्टीका आम कार्यकर्ताले चुनेको मतदान गरेर चुनावमा उठ्न योग्य छ भन्ने व्यक्तिमात्रै उम्मेदवार हुन पाउनुपर्ने बताए । उनले पार्टीलाई मासवेस पार्टीमा रूपान्तरण गर्नु अहिलेको आवश्यकता भएको जिकिर गरे । उनले एकै प्रकारको सदस्यता बनाएर जम्मा सदस्यहरूले केन्द्रीय सभापति चुन्ने व्यवस्था गर्न आवश्यक रहेको बताए ।

नेता पौडेलले कांग्रेसलाई मासवेस पार्टीका रूपमा रूपान्तरित गर्न जरुरी रहेको बताए ।