गम्भीर अपराधमा संलग्न भएका व्यक्तिलाई क्लिन चिट दिनु हुँदैनः सांसद प्रधान

फाइल फोटो

काठमाडौँ - राष्ट्रिय प्रजातन्त्र पार्टीका सांसद ध्रुवबहादुर प्रधानले सरकारले गम्भीर अपराधमा संलग्न भएका व्यक्तिहरुलाई क्लिन चिट दिनु नहुने बताएका छन् । 

बिहीवार संसद भवन परिसरमा सञ्चारकर्मीहरुसँग कुरा गर्दै उनले यस्तो बताएका हुन् । उनले न्यायिक प्रक्रियाबाट र विधिवत रुपमा कैद भुक्तान भइसकेपछि मात्रै मिनाहा गर्ने प्रावधान रहेपनि सो अनुसार हुन नसकेको बताए । उनले सरकारले हालै दिएको आममाफी त्रुटीपूर्ण र गलत रहेको बताए । 

उनले भने, ‘सरकारले गम्भीर अपराधमा संलग्न भएका व्यक्तिहरुलाई क्लिन चिट दिनु हुँदैन, मिल्दैन । न्यायिक प्रक्रियाबाट र विधिवत रुपमा कैद भुक्तान भइसकेपछि मात्रै मिनाहा गर्ने प्रावधान छ । यस किसिमले सिधा गर्नु हुँदैन । यो त्रुटीपूर्ण र गलत छ । नेपाली जनताले राम्रो सन्देश मानेनन् । यसरी विधिको शासन अन्त्य हुन्छ । भएको सरकारले स्वेच्छाचारी ढंगले काम कारबाही गर्नु हुँदैन । राजसंस्था फर्काउनुको अर्थ हाम्रो पहिचानलाई फर्काउनु हो । निरंकुश राजतन्त्र संस्थालाई हामीले फर्काउन खोजेका होइनौँ । हाम्रो इतिहासलाई कायम गर्न खोजिएको हो । संविधान सभाले विभेदकारी कार्य गरेको छ । त्यसलाई सच्याउन खोजेका छाँै ।’

सांसद प्रधानले राजसंस्था फर्काउनु इतिहासलाई कायम राख्नु रहेको बताए ।