ओली बोलिरहँदा भीम रावल जिन्दावाद भन्ने नारा लागेपछि...

फाइल फोटो

धनगढी - नेकपा एमालेको सुदूरपश्चिम प्रदेश अधिवेशन उद्घाटन सत्रमा अध्यक्ष केपी शर्मा ओली बोली रहँदा कार्यकर्ताले भीम रावल जिन्दावाद भन्दै नारा लगाएका छन् ।

ओली बोल्ने क्रममाफ्लोरबाट भीम रावल जिन्दावाद भन्दै नारा लागेको हो । ती कार्यकर्तालाई वरिपरिका सहभागीले शान्त गराएका थिए । मञ्चमा बोल्दै गरेका ओलीले भने रावलको नाम लिएका छैनन् । नारालाई थामथुम पार्न ओलीले ‘चुप लाग्नुस् त साथीहरू’ भन्दै धम्क्याउने प्रयास गरेका थिए । 

त्यसपछि उनले भीम रावललाई लक्षित गर्दै गल्तीलाई क्षमा गर्ने र काममा फर्काउन सकिने बताए । तर त्यसका लागि गल्ती गर्ने व्यक्ति सच्चिन जरुरी रहेको उनले बताए । अध्यक्ष ओलीले एमाले छोडेर झोक्किएर गएका कार्यकर्तालाई पनि एमालेमा फर्कन अपिल गरेका छन् ।