अवैध हतियारसहित प्रतिबन्धित नेकपाका सेक्सन कमाण्डर पक्राउ

मोरङ : मोरङको उर्लावारी नगरपालिका-६ बाट नेत्र विक्रम चन्द विप्लव नेतृत्वकाे प्रतिबन्धित नेकपाका सेक्सन कमाण्डर पक्राउ परेका छन् । वडा नं ६ रमाइलो टोलस्थित एकान्त कोइराला भन्ने एक बहादुर विश्वकर्माको घरबाट फक्ताङलुङ गाउँपालिका २ ताप्लेजुङका ३२ वर्षीय पेम्बा साङगे शेर्पालाई प्रहरीले पक्राउ गरेको हो । उनी प्रतिबन्धित नेकपाका सेक्सन कमाण्डर रहेको प्रहरीले जनाएको छ ।

उनको साथबाट हातहतियार र गोली गठ्ठा समेत बरामद गरिएको प्रहरीले जनाएको छ । उक्त स्थानमा केही व्यक्तिहरु हातहतियारसहित लुकिछिपी बसिरहेको भन्ने विशेष सूचनाका आधारमा शनिबार दिउँसो १ बजे ईलाका प्रहरी कार्यालय उर्लावारीबाट खटिएको प्रहरी टोलीले उनलाई पक्राउ गरेको हो । 

शेर्पाको साथबाट ‘अटो पेस्तोल यूएसए’ लेखिएको पेस्तोल १ थान, उक्त पेस्तोलको गोली ३ राउण्ड, म्यागजिन १ थान, विभिन्न किसिमका कागजपत्र, ३ वटा मोबाइल, ब्याग ८ थान र ज्याकेट १८ थान बरामद प्रहरीले जनाएको छ । 

उनलाई हातहतियार खरखजना मुद्दामा आवश्यक अनुसन्धान भइरहेको जिल्ला प्रहरी कार्यालय मोरङले जनाएको छ।