सन्दीप लामिछानेको एकदिवसीय वरीयता खस्कियो

काठमाडौँ- नेपाली राष्ट्रिय क्रिकेट टिमका लेग स्पिनर सन्दीप लामिछानेको आईसीसी एकदिवसीय वरीयता खस्किएको छ ।

आईसीसीले बुधबार सार्वजनिक गरेको बलिङतर्फको नयाँ वरीयतामा सन्दीप एक स्थान तल झरेका हुन् ।

यसअघि ३० औँ स्थानमा रहेका सन्दीप ३१ औँ स्थानमा झरेका हुन् । बलिङतर्फ नै नेपालका अलराउन्डर दिपेन्द्र सिंह ऐरी ६६ औँ स्थानमा यथावत रहँदा करण केसी एक स्थानमाथि ८५ औँ स्थानमा उक्लिएका छन् ।

सोमपाल कामी ९४ औँ तथा ललित राजवंशी ९९ औँ स्थानमा यथावत छन् ।

ब्याटिङतर्फ आशिफ शेख ७३ औँ स्थानमा यथावत छन् भने रोहित कुमार पौडेल एक स्थान तल ८५ औँ स्थान र कुशल भुर्तेल एक स्थान तल ९९ औँ स्थानमा झरेका छन् ।