हतियार प्रहारबाट युवक घाइते

बुटवल- बाँकेको कोहलपुरमा मध्यराति धारिलो हतियार प्रहारबाट एक जना गम्भीर घाइते भएका छन् । कोहलपुरस्थित चप्परगौडीका २८ वर्षीय कृष्ण भनिने मीनबहादुर विकमाथि धारिलो हतियार प्रहार गरिएको हो ।

धारिलो हतियार प्रहारबाट गम्भीर घाइते भएका विकलाई नेपालगञ्‍ज मेडिकल कलेज लगिएकोमा उपचार सम्भव नभएपछि लखनउ रिफर गरिएको बाँके प्रहरी प्रवक्ता डीएसपी नारायण डाँगीले जानकारी दिए ।

विकलाई अज्ञात व्यक्तिले टाउकोसहित शरीरका विभिन्न भागमा धारिलो हतियार प्रहार गरेको प्रहरीले जनाएको छ । स्थानीयको सहयोगमा प्रहरीले घाइते विकलाई कोहलपुर मेडिकल कलेजमा उपचारका लागि लगिएको थियो ।

प्रहरीले घटनाको अनुसन्धान गर्दै धारिलो हतियार प्रहार गर्ने व्यक्तिको खोजीकार्य तीव्र पारेको जनाएको छ ।