भारतविरुद्धको टेस्ट सिरिजका लागि टिममा परेपछि रोए २० वर्षीय बशीर

काठमाडौँ- भातरविरुद्धको टेस्ट क्रिकेट सिरिजका लागि इंग्ल्यान्डले टिममा समेट्दा आफू रोएको २० वर्षीय शोएब बशीरले बताएका छन् ।

आगामी जनवरीदेखि मार्चसम्ममा पाँच खेलको टेस्ट सिरिजका लागि इंग्ल्यान्डले भारतको भ्रमण गर्दैछ र सो सिरिजका लागि इंग्ल्यान्डले समरसेटका २० वर्षीय अफ-स्पिनर बशीरलाई टिममा समावेश गरेको हो ।

इंग्ल्यान्डको टेस्ट टिममा आफूलाई आकस्मिक रुपमा बोलाइएपछि आफू रोएको बशीरले बताएका बीबीसीले उल्लेख गरेको छ ।

गत जुनमा फस्ट-क्लास क्रिकेटमा डेब्यु गरेका बशीरले ६ वटा फस्ट-क्लास खेलमात्र खेलेका छन् । उनले फस्ट-क्लास क्रिकेटमा १० विकेट हात पारेका छन् । बशीरले समरसेटका लागि टी-ट्वान्टी ब्लास्टमा ५ खेल खेलेका थिए ।

बशीरले अहिलेको अवस्थामा आफूले सो स्तरको क्रिकेट खेल्ने कल्पना पनि नगरेको बताए ।