इत्तिफाकमाथि अल नासरको शानदार जित

काठमाडौँ- साउदी प्रो लिग अन्तर्गत अल नासरले अल इत्तिफाकलाई पराजित गरेको छ ।

गएराति सम्पन्न खेलमा अल नासरले अल इत्तिफाकलाई ३-१ गोल अन्तरले पराजित गरेको हो ।

अल नासरको जितमा एलेक्स टेल्लेज, मार्सेलो ब्रोजोभिक र क्रिस्टियानो रोनाल्डोले एक-एक गोल गरेका थिए ।

त्यस्तै अल इत्तिफाकका लागि एक गोल मोहमद अल कुवायकिबीले गरेका थिए ।

यो अल नासरको यस सिजनमा १३औँ जित हो । १७ खेलमा ४० अंक हासिल गरेको अल नासर दोस्रो स्थानमा रहेको छ ।

त्यस्तै १८ खेलमा अपराजित रहँदै ५० अंक हासिल गरेको अल हिलाल शीर्ष स्थानमा रहेको छ ।

त्यसैगरी अल इत्तिफाकको भने यो यस सिजनमा छैटौं हार हो । १८ खेलमा २४ अंक रहेको अल इत्तिफाक आठौँ स्थानमा रहेको छ ।