काठमाडौँ महानगरले भन्यो : वडाको खोप केन्द्रको नाम पठाउनू

काठमाडौँ : चिनियाँ 'भेरोसेल' खोप लगाउने खोप केन्द्रको नाम पठाउन काठमाडौँ महानगपालिकाले सबै वडा कार्यालयले आग्रह गरेको छ । शुक्रबार काठमाडौँ स्वास्थ्य कार्यालय र महानगरको खोप समन्वय समितिको संयुक्त बैठकले प्रत्येक वडामा एक-एक वटा खोप केन्द्र बनाउने निर्णय गरेको हो ।

सबै खोप केन्द्रको नाम शहरी स्वास्थ्य विभागमा जानकारी गराउन महानगरले अनुरोध गरेको छ । ६० देखि ६४ वर्ष उमेर समूहका व्यक्तिहरूलाई खोप जेठ २५ गतेदेखि लगाउने तयारी छ । स्वास्थ्य तथा जनसंख्या मन्त्रालयमा जेठ १८ गतेको बैठकले उक्त निर्णय गरेको थियो ।