जसपा केन्द्रीय कार्यकारिणी समितिको बैठक आजबाट

काठमाडौँ- जनता समाजवादी पार्टी (जसपा) नेपालले केन्द्रीय कार्यकारिणी समितिको बैठक आजबाट सुरु हुँदैछ ।

सो बैठक केन्द्रीय कार्यालय, बालकुमारी, ललितपुरमा बिहान १० बजेदेखि सुरू हुनेछ ।

सत्तारुढ गठबन्धनमा रहेको सो दलले माघ ११ गते हुने राष्ट्रिय सभा निर्वाचनका लागि पार्टीको तर्फबाट हुने सक्ने सम्भावित उम्मेदवार चयन गर्ने बिषयलाई छलफलको प्रमुख अजेन्डा बनाएको छ ।

साथै आगामी पुस २५ गते बोलाइएको राजनीतिक समितिको बैठक तथा पुस २७ गतेदेखि सुरू हुने केन्द्रीय समितिको बैठकको तयारी, पार्टीका केन्द्रीय समिति सदस्यहरूको जिम्मेवारी बाँडफाँटलगायतका विषयमा आजदेखि सुरू हुने बैठकमा छलफल हुनेछ ।