दिल्लीमा यौन व्यवसाय सञ्चालन गर्ने नेपाली दम्पती पक्राउ

सांकेतिक तस्विर

काठमाडौँ- भारतको दिल्लीमा यौन व्यवसाय सञ्चालन गर्ने एक दम्पती पक्राउ परेका छन् । वेश्यावृत्ति कार्यमा प्रोत्साहन गरेको भन्दै बुधबार नेपाल प्रहरीले स्याङ्जा गल्याङ नगरपिलका-७ का ३५ वर्षीय टिकाराम भण्डारी र उनकै श्रीमती ३१ वर्षीया अस्मिता भण्डारी,रिया वली भन्ने टिका कुमारी वलीलाई पक्राउ गरिएको जानकारी दिएको छ ।

विभिन्न होटल, रेष्टुरेन्ट, फेन्सी पसलमा आकर्षक काम पाइने र कमाई समेत राम्रो हुने प्रलोभन देखाई नेपालबाट भारतको दिल्ली पुर्‍याई वेश्यावृत्तिको लागि आफैले भाडामा लिएको अपार्टमेन्टमा राखी यौन क्रियाकलापमा लगाउने कार्यमा संलग्न उनीहरूलाई मानव बेचबिखन अनुसन्धान ब्यूरो बबरमहलबाट खटिएको प्रहरीले कञ्चनपुरबाट पक्राउ गरेको हो ।

उनीहरूलाई फैसला कार्यान्वयनको लागि काठमाडौँ जिल्ला अदालतमा पेस गरिएको ब्यूरोले जनाएको छ ।