३० हजार घुस लिएको आरोपमा प्रहरी नायव निरीक्षकविरुद्ध भ्रष्टाचार मुद्दा

काठमाडौं–अख्तियार दुरुपयोग अनुसन्धान आयोगले ईलाका प्रहरी कार्यालय मैनापोखर, बर्दियामा कार्यरत प्रहरी नायब निरीक्षक पवन साउदविरुद्ध भ्रष्टाचार मुद्दा दायर गरेको छ । आयोगले बिहीबार विशेष अदालतमा भ्रष्टाचार मुद्दा दायर गरेको हो । 

साउदले  लागुऔषधको मुद्दा मिलाइदिने भन्दै सेवाग्राहीसँग ३० हजार घुस लिएको आयोगले जनाएको छ । उनलाई ३० हजार बिगो कायम गरी कैद र बिगो जरिवाना गराउन आयोगले अदालत समक्ष माग गरेको छ ।