प्रदेश १ मा आजबाट बर्खे अधिवेशन सुरू

विराटनगर : प्रदेशसभाको बर्खे (बजेट) अधिवेशन आज दिउँसोबाट सुरु हुँदैछ । दिउँसो २ बजे प्रदेश सभा हलमा अधिवेशन सुरु हुनेछ । अधिवेशनले आगामी आर्थिक बर्ष २०७८/७९ का लागि निति तथा कार्यक्रमका साथै बजेट पारित गर्नेछ ।
नेकपामा आएको विवादसँगै यस वर्षको हिउँदे अधिवेशन एक दिन पनि सञ्चालन नभइ अन्त्य भएको थियो । अदालतले नेकपा एमाले र नेकपा माओवादी पार्टीलाई पुरानै अवस्थामा फर्काएपछि सत्तामा रहेको माओवादी केन्द्र सत्ताविहिन भएको थियो । प्रदेश १ मा नेकपा एमालेको एक्लै बहुमत छ । तर एमालेमा पनि माधव नेपाल समूहले विद्रोह गरेकाले नेपाल पक्षका सांसदको सहयोग नपाए प्रदेश १ को बजेट सदनबाट पारित हुन सक्दैन् । नेपाल पक्षका सांसदहरूले अहिलेसम्म औपचारिक रुपमा बजेट अधिवेशनबारेमा कुनै निर्णय गरेका छैनन् ।
प्रदेश १ संसद्का विपक्षी दलहरूले बजेट अधिवेशनको माग गर्दै आएका थिए । गएको बुधबारको मन्त्रिपरिषद् बैठकले आर्थिक कार्यविधि ऐन २०७४ लाई संशोधन गर्न प्रदेश प्रमुख समक्ष सिफारिस गरेको थियो । प्रदेश आर्थिक कार्यविधि ऐन २०७४ मा बजेट आउनु १५ दिन अगावै प्रि-बजेट छलफल गरिसक्नुपर्ने व्यवस्था छ । कोभिड-१९ को बहानामा समयमा अधिवेशन आह्वान नगरेको सरकारले बजेट आउने ५ दिन अगाडि प्रि-बजेट छलफल भने छोटो समयभित्र सक्नुपर्ने भएको छ । असार १ मा प्रदेशले बजेट ल्याउने चलन छ । यसपटक प्रि बजेट छलफलको म्याद गुज्रिसकेको छ ।

आज कतिमा हुँदैछ विदेशी मुद्रा कारोबार ?

काठमाडौँ उपत्यकाका १३ पानीपोखरीको अत्याधुनिक प्रणालीमार्फत व्यवस्था
दुनाटपरी गाँसेर जीविकोपार्जनको उपाय खोज्दै महिला

बबरमहलमा फुटेको खानेपानीको पाइप मर्मत थालियो

तीस किलोको खुकुरी, मूल्य एक लाख ११ हजार

बिहानैदेखि त्रिवेणीधाममा श्रद्धालुको घुइँचो

लहान नगरपालिकाका मेयर चौधरीविरुद्ध आन्दोलन चर्कियो

प्रतिक्रिया