गाजामा २१ इजरायली सैनिक मारिए

काठमाडौँ - गाजामा २१ इजरायली सैनिक मारिएका छन् । सोमबार मध्य गाजामा २१ सैनिक मारिएको इजरायल डिफेन्स फोर्स (आईडीएफ) का प्रवक्ता डेनियल हगारीले बताएको बीबीसीले जनाएको छ । 

'यो गाजामा युद्ध सुरु भएदेखि हालसम्मकै ठूलो क्षति हो' आइडीएफले भनेको छ । आईडीएफका प्रवक्ता हजारीले रकेट आक्रमण सैनिकहरू बस्ने दुई वटा भवन नजिक भएको अनुमान गरिएको बताए।

इजरायली सुरक्षा बलले भवन भत्काउने उद्देश्यले राखेको डाइनामाइटका कारण भवनमा विष्फोट भएको उनले बताए ।​आइडीएफले घटनाको विवरणबारे अनुसन्धान भइरहेको जनाएको छ।

अक्टोबर ७ मा हमासले गरेको आक्रमणपछि इजरायलले गाजामा सैन्य कारबाही गरिरहेको छ । इजरायलले हमासको अन्त्य नभएसम्म आफ्नो अभियान जारी रहने जनाएको छ। अक्टोबर ७ मा हमासको आक्रमणमा करिब १३ सय जनाको ज्यान गएको थियो ।