देउवा, दाहाल र नेपालबीच बुढानीलकण्ठमा भेटघाट जारी
जेठ २४, २०७८ सोमबार १६:४७
काठमाडौँ : नेकपा माओवादी अध्यक्ष पुष्पकमल दाहाल र एमाले वरिष्ठ नेता माधवकुमार नेपाल नेपाली कांग्रेसका सभापति शेरबहादुर देउवालाई भेट्न बुढानीलकण्ठ पुगेका छन् । देउवा निवास बुढानीलकण्ठमा तीन नेताबीच अहिले छलफल भइरहेको माओवादी प्रवक्ता नारायणकाजी श्रेष्ठले जानकारी दिए ।
प्रवक्ता श्रेष्ठका अनुसार नेताहरूबीच प्रदेश–२ को मन्त्रिपरिषद् पुनर्गठन र आइतबार राति प्रधानमन्त्रीसमेत रहेका एमाले अध्यक्ष केपी शर्मा ओलीले गरेको ६ बुँदे आह्वानबारे छलफल भइरहेको छ ।
दाहाल र नेपाल एउटै गाडीमा बुढानीलकण्ठ पुगेका थिए । यसअघि बिहान पनि माओवादी अध्यक्ष दाहालले बुढानिकलण्ठ पुगेर देउवालाई भेटेका थिए । बिहान एमाले नेता नेपालसँग भेटेर दाहाल सिधै देउवालाई भेट्न पुगेका थिए ।
देउवासँगको छलफलपछि फेरि माओवादी र एमालेको नेपाल समूहका नेताहरू छलफल गर्ने तयारी भइरहेको माओवादी प्रवक्ता श्रेष्ठले जानकारी दिए ।
आज कतिमा हुँदैछ विदेशी मुद्रा कारोबार ?
काठमाडौँ उपत्यकाका १३ पानीपोखरीको अत्याधुनिक प्रणालीमार्फत व्यवस्था
दुनाटपरी गाँसेर जीविकोपार्जनको उपाय खोज्दै महिला
बबरमहलमा फुटेको खानेपानीको पाइप मर्मत थालियो
तीस किलोको खुकुरी, मूल्य एक लाख ११ हजार
बिहानैदेखि त्रिवेणीधाममा श्रद्धालुको घुइँचो
लहान नगरपालिकाका मेयर चौधरीविरुद्ध आन्दोलन चर्कियो
प्रतिक्रिया