नेकपा एसले आसन्न १०औं महाधिवेशनमा एकमात्रै दस्तावेज प्रस्तुत गने

फाइल फोटो

काठमाडौँ - नेकपा एकीकृत समाजवादी (एस)ले पार्टीको आसन्न १०औं महाधिवेशनमा एकमात्रै दस्तावेज प्रस्तुत गर्ने निर्णय गरेको छ । 

बिहीबार काठमाडौंमा सम्पन्न दस्तावेज मस्यौदा समितिको बैठकले महाधिवेशनमा समसामयिक राजनीतिक, पार्टीको आन्तरिक लगायतका विषय समेटेर एकमात्रै दस्तावेज प्रस्तुत गर्ने निर्णय गरिएको प्रवक्ता जगन्नाथ खतिवडाले जानकारी दिए । 

मस्यौदा समितिको बैठकपछि पार्टीभित्र कुनै पनि अलग अलग सोच नरहेको र सबैको भावनालाई समेटेर महाधिवेशनमा प्रस्ताव प्रस्तुत हुने उनको भनाइ छ । महाधिवेशनमा प्रस्तुत गर्ने दस्तावेजलाई अन्तिम रुप दिनका लागि विभिन्न समूह बनाएर छलफल हुने प्रवक्ता खतिवडाले जानकारी दिए । 

दस्तावेजमा समाजवादी क्रान्तिको बाटोमा जानका लागि हुने चुनौती, रुपरेखा लगायतका बिषय समेटिने नेकपा एकीकृत समाजवादीले जनाएको छ ।