माओवादीबाट अर्थमा वर्षमान, परराष्ट्रमा नारायणकाजी

काठमाडौँ- भागबण्डामा ५ मन्त्रालय पाएको नेकपा माओवादी केन्द्रले केहि मन्त्रीको नाम टुंगो लगाएको छ । बुधबार माओवादीले केही मन्त्रीको नाम टुंगो लगाएको हो ।

माओवादीले हालसम्म अर्थ मन्त्रालय र परराष्ट्र मन्त्रालय पाउने टुंगो लागेको छ । अरू मन्त्रालयमा छलफल जारी छ । अर्थमा माओवादीले वर्षमान पुनलाई पठाउने भएको छ । एमालेसँग मिलेर सरकार गठन गर्नुमा वर्षमान सक्रिय रूपमा लागेका थिए ।

त्यस्तै परराष्ट्रमा माओवादीले नारायणकाजी श्रेष्ठलाई पठाउने भएको छ । श्रेष्ठ यसअघि पनि गृहमन्त्री थिए ।

माओवादीले मंगलबार साँझ मात्रै अघिल्लो पटक मन्त्री भएकाहरूलाई फेरि नदोहोर्‍याउने भएको निर्णय गरेको थियो । माओवादीको उक्त निर्णय २४ घण्टा टिक्न सकेन ।

यसअघि माओवादीबाट हितबहादुर तामाङ बिना विभागी मन्त्री बनिसकेका छन् ।