'इन्डियाएआई मिसन' के हो ?

काठमाडौँ- भारत सरकारले बिहीबार राष्ट्रियस्तरको 'इन्डियाएआई मिसन' को घोषणा गर्‍यो ।

इन्डियाएआई मिसनका लागि भारत सरकारले १० हजार ३ सय ७१ करोड भारतीय रुपैयाँको बजेट छुट्याएको हिन्दुस्तान टाइम्सले जनाएको छ ।

भारतको इलेक्ट्रोनिक्स र आईटी मन्त्रालयले एक विज्ञप्तिमार्फत सो परियोजनाले देशको आर्टिफिसियल इन्टेलिजेन्स (एआई) प्रणालीलाई सुदृढ पार्ने दिशामा एउटा ‘महत्वपूर्ण कदम’ भएको दाबी गरेको छ ।

भारतीय प्रधानमन्त्री नरेन्द्र मोदीले प्राविधिक र नवीनताका लागि एक ऐतिहासिक दिन भएको बताउँदै उनले परियोजनाका लागि मन्त्रिपरिषद्को स्वीकृतिले एआई स्टार्टअपहरूलाई सशक्त बनाउने र कम्प्युट इन्फ्रास्ट्रक्चरमा पहुँच विस्तार गर्ने, एआईमा भारतलाई विश्वव्यापी नेता बन्ने भारतको यात्रामा ठूलो कदम भएको जनाए ।

इन्डियाएआई मिसनमा इन्डियाएआई कम्प्युटर क्यापासिटी, इन्डियाएआई इनोभेसन सेन्टर, इन्डियाएआई डाटासेट प्लेटफर्म, इन्डियाएआई एप्लिकेसन डेभलपमेन्ट इनिसियटिभ, इन्डियाएआई फ्यूचरस्किल्स, इन्डियाएआई स्टार्टअप फाइनान्सिङ, र सेफ एन्ड ट्रस्टेड एआई समावेश गरिएका छन् ।