धोकाको आरोप त मलाई ओलीले लगाउन मिल्छ तर कांग्रेसले मिल्दैन : प्रधानमन्त्री प्रचण्ड

काठमाडौँ- प्रधानमन्त्री पुष्पकमल दाहाल प्रचण्डले कांग्रेसलाई धोका दिएको भन्न नमिल्ने बताएका छन् । बुधबार प्रतिनिधिसभाको बैठकमा बोल्दै प्रधानमन्त्री प्रचण्डले यस्तो बताएका हुन् ।

'धोकाको आरोप त बरू मलाई प्रधानमन्त्री बनाउन लाग्ने दलहरू र केपी शर्मा ओलीले लगाउन मिल्छ कांग्रेसले आरोप लगाउन मिल्दैन' प्रधानमन्त्री प्रचण्डले भने ।

त्यस्तै अर्थतन्त्र सुधारका लागि आफूले सुरुदेखि नै अनवरतरूपमा लागेको र पछिल्लो अवस्थामा अर्थतन्त्रका अधिकाशं सूचकहरू राम्रा हुँदै गएको बताए । 

'चालु आर्थिक बर्षको सात महिनाको अवधिमा दुई खर्ब ९७ अर्ब ७२ करोड रुपैयाले शोधनान्तर बचत छ' प्रधानमन्त्री प्रचण्डले भने ।

'विदेशी विनिमय सञ्चिति १९ दशमलव ९ प्रतिशतले बृद्धि भई झण्डै १८ खर्ब ४५ अर्ब रुपैया बराबर पुगेको छ' प्रधानमन्त्री प्रचण्डले भने .