उपप्रमुख डंगोलसँग स्वीस राजदूत मेउलीको शिष्टाचार भेट

काठमाडौँ- काठमाडौँ महानगरपालिका उपप्रमुख सुनिता डंगोलसँग नेपालका लागि स्वीजरल्याण्डकी राजदूत ड्यानिएल मेउलीले शिष्टाचार भेट गरेकी छन् । भेटका लागि उनी आज उपप्रमुखको कार्यकक्षमा पुगेकी थिइन् । 

भेटका क्रममा उपप्रमुख डंगोलले, पहुँचयोग्य स्वास्थ्य सेवा प्रवाहका लागि महानगरपालिकाले प्रविधिको प्रयोगलाई बढाउँदै लगेको बताइन् । ‘आधारभूत र विशेषज्ञ स्वास्थ्य सेवालाई वार्षिक नीति, बजेट तथा कार्यक्रममा प्राथमिकता दिएका छौँ । कार्यक्रमको कार्यान्वयनलाई दिगो र प्रभावकारी बनाउन प्रविधिमा आधारित प्रणाली विकास गरिरहेका हौँ,’ डंगोलले भनिन् ।

वडा वडामा स्वास्थ्य प्रवर्द्धन केन्द्रहरू स्थापना हुँदैछन् । केन्द्रका सेवालाई सरल, पहुँच योग्य र विश्वसनीय बनाउन प्रविधिको उपयोग हुनेछ । यसका लागि साझेदारहरूसँग सहकार्यको सम्भावना रहन्छ ।