इतिहासमा आज

काठमाडौँ- आज चैत १३ गते अर्थात मार्च २६ । आजको दिन इतिहासमा विभिन्न घटनाहरू भए । ति घटनाबारे जानकारी दिन गइरहेका छौँ ।​

सन्‌ १८१२ मार्च २६ का दिन भूकम्पले भेनेजुएलालाई ध्वस्त बनाएको थियो । अमेरिकी भूगर्भ सर्वेक्षणका अनुसार अनुमानित २६ हजार जनाको मृत्यु भएको थियो ।

सन् १९७५ मार्च २६ मा जैविक हतियार सन्धि कार्यान्वयनमा आएका थियो । सन्धिले जैविक र विषाक्त हतियारको विकास, उत्पादन र भण्डारणमा प्रतिबन्ध लगाएको छ । यसलाई अहिले विश्वका अधिकांश देशहरूले अनुमोदन गरिसकेका छन् ।

सन् १९७९  मार्च २६ मा इजरायली प्रधानमन्त्री मेनाकेम बेगिन र इजिप्टका राष्ट्रपति अनवर सदातले ह्वाइट हाउसमा राष्ट्रपति जिम्मी कार्टरको साक्षीमा शान्ति सन्धिमा हस्ताक्षर गरेका थिए ।

त्यस्तै सन् १९९१ मा चार ओटा दक्षिण अमेरिकी देशहरुले मर्कोसर समूह स्थापना गरेका थिए । अर्जेन्टिना, ब्राजिल, उरुग्वे र पारग्वे समूहका संस्थापक सदस्य हुन् । 

सन्‌ २०१० मार्च २६ मा अमेरिका र रूसले लगभग दुई दशकमा पहिलो प्रमुख आणविक हतियार सन्धिमा छाप लगाएका थिए । युद्धका प्रतिद्वन्द्वीहरूको वारहेड हतियारलाई लगभग एक तिहाइले घटाउन सहमत भएका थिए ।

त्यसैगरी सन् २००० मा भ्लादिमर पुटिन रुसको राष्ट्रपतिमा निर्वाचित भएका थिए ।