नेपाल-भारत सीमामा तारबार लगाउनै पर्छ : सांसद तामाङ

धनगढी : सुदूरपश्चिम प्रदेशका प्रदेश सभा सदस्य ताला लामा तामाङले नेपाल–भारतको सीमा क्षेत्रमा तारबार लगाउनपर्ने बताएका छन् । प्रदेश सभाको आठौँ अधिवेशनको औं बैठकमा सरकारले प्रस्तुत गरेको नीति तथा कार्यक्रममाथि छलफलका क्रममा बोल्दै सत्तारुढ एमालेका सांसद तामाङले सीमावर्ती क्षेत्रमा भारतको ज्यादती बढेको भन्दै यस्तो बताएका हुन् ।
‘अहिले पनि हुलाकी सडकमा काम गर्दा भारतीय सुरक्षाकर्मी आएर डराउने र धम्काउने काम गर्दै आएका छन्,’ तामाङले भने, ‘कञ्चनपुरदेखि दार्चुलासम्म कतै पनि सीमा व्यवस्थित नभएको हुँदा ठूलो बजेट लगानी गरेर संरचना निर्माण गर्न नसके पनि तारबार त गर्नैपर्छ ।’ तारबार गर्दैमा भारतसँग नराम्रो व्यवहार नहुने उनको भनाइ छ ।
‘तपाईं हामी सधैसँगै बस्ने दाई-भाई छुट्दा त घरमा पर्खाल लगाउँछौ । राष्ट्रियतासँग जोडिएको विषयमा हामीले यो कदम उठाउनैपर्छ,’ तामाङले भने । उनले नेपाल–भारत हुने आवत-जावत व्यवस्थित बनाउन पनि सीमामा तारबार आवश्यक रहेको बताए । तामाङ कञ्चनपुरबाट निर्वाचित सासंद हुन् । अहिले पनि हुलाकी राजमार्गको निर्माणमा भारतीय पक्षले अवरोध गरिरहेको छ ।

आज कतिमा हुँदैछ विदेशी मुद्रा कारोबार ?

काठमाडौँ उपत्यकाका १३ पानीपोखरीको अत्याधुनिक प्रणालीमार्फत व्यवस्था
दुनाटपरी गाँसेर जीविकोपार्जनको उपाय खोज्दै महिला

बबरमहलमा फुटेको खानेपानीको पाइप मर्मत थालियो

तीस किलोको खुकुरी, मूल्य एक लाख ११ हजार

बिहानैदेखि त्रिवेणीधाममा श्रद्धालुको घुइँचो

लहान नगरपालिकाका मेयर चौधरीविरुद्ध आन्दोलन चर्कियो

प्रतिक्रिया