इतिहासमा आज : प्रजातन्त्र पुनःस्थापना भएको दिन

काठमाडौँ- आज चैत २६ गते अर्थात अप्रिल ८ । आजको दिन इतिहासमा विभिन्न घटनाहरू भए । ति घटनाबारे जानकारी दिन गइरहेका छौँ ।​

२०४६ साल चैत २६ मा प्रजातन्त्रको पुनःस्थापना भएको थियो । विसं २०४७ देखि दोस्रो जनआन्दोलन २०६२/६३ सम्म जनआन्दोलन दिवसका रुपमा चैत २६ लाई मनाइन्थ्यो ।

वि.सं. २०४६ साल फागुन ७ देखि चैत २६ सम्म चलेको यस आन्दोलनको अन्त्य वि.सं. २०४६ चैत २६ गते नेपालका तत्कालीन राजा वीरेन्द्र शाहले नेपाली कांग्रेसका नेताहरूलाई सहमतिका लागि बोलाएका थिए र सोहि दिन भएको सम्झौता अनुसार निर्दलिय पञ्चायती व्यवस्थाको अन्त्य र प्रजातन्त्रको पुनर्बाहली भएको थियो ।

सन् १९४० अप्रिल ८ मा जर्मनीले डेनमार्क र नर्वेमाथि आक्रमण गरेको थियो । अप्रेसन विसियुबंगको औचित्य स्विडिस फलाम खनिज पहुँच सुरक्षित गर्नु थियो । नर्वेमा म्याक्स मानुस र गुन्नार सोन्स्टेबी वरपरको प्रतिरोधी समूहले जर्मन युद्ध प्रयासलाई सफलतापूर्वक तोडेको गरेको थियो ।

सन् १९५२ अप्रिल ८ मा बोलिभियन राष्ट्रिय क्रान्तिले ह्युगो बलिभियनको सरकारलाई सत्ताच्युत गरेको थियो । राष्ट्रवादी आन्दोलनले विश्वव्यापी मताधिकार, टिन खानीहरूको राष्ट्रियकरण गर्नेलगायत कट्टरपन्थी सुधार सुरु गरेको थियो ।

सन् १९६७ अप्रिल ८ मा बोइङ ७३७ ले आफ्नो पहिलो उडान भरेको थियो । बोइङ ७३७ छोटोदेखि मध्यम दायराको विमान इतिहासमा सबैभन्दा बढी बिक्री हुने विमान मानिन्छ ।

सन् १९७३ अप्रिल ८ मा २०औँ शताब्दीका प्रभावकारी कलाकार पाब्लो पिकासोको ९१ वर्षको उमेरमा निधन भएको थियो ।

सन् २००५ अप्रिल ८ मा बेलायतका तत्कालीन राजकुमार तथा वर्तमान राजा चार्ल्सको क्यामिला पार्कर बोउलेससँग विवाह भएको थियो । त्यसअघि चार्ल्सले वेल्सकी राजकुमारी डायनासँग विवाह गरेका थिए । क्यामिलासँगको उनको दोस्रो विवाहले उनलाई नागरिक विवाह गर्ने बेलायती शाही परिवारको पहिलो सदस्य बनाएको थियो ।