यातायात दुर्घटना रोक्न विशेष अपरेसन - गृहमन्त्री लामिछाने
काठमाडौँ - उपप्रधान एवं गृहमन्त्री रवि लामिछानेले सार्वजनिक यातायातलाई थप भरपर्दाे र दुर्घटनारहित बनाउन विशेष अपरेसन सञ्चालन गर्ने घोषणा गरेका छन् ।
आइतबार काठमाडौंमा काठमाडौँ उपत्यका ट्राफिक प्रहरी कार्यालयले सुरु गरेको ट्राफिक सचेतना विशेष अभियान शुभारम्भ गर्दै लामिछानेले आवश्यक संशोधन गर्नुपर्ने नीति, नियम र ऐन संशोधन गर्दै सार्वजनिक यातायातलाई थप भरपर्दाे र दुर्घटनारहित बनाउन विशेष अपरेशन सञ्चालन गर्ने घोषणा गरेका हुन् ।
उनले केही परिवर्तनको थालनी भइसकेको भन्दै प्रविधिमैत्री ट्राफिक व्यवस्थापनमा सरकारले जोड दिइरहेको बताए । विगतमा सडक सुरक्षा कार्यदलले तयार पारेको प्रतिवेदन उपलब्ध गराउन आग्रह गर्दै लामिछानेले सडक सुरक्षा सुधारका लागि आफू पूर्ण प्रतिबद्ध रहेको बताए ।
उनले नेताको हात समातेका आधारमा नभई भ्रष्टाचार, चोर समातेका आधारमा वृत्ति विकास हुने र सोहि अनुसार कामको मूल्याङ्कन हुने स्पष्ट पारे ।
कार्यक्रममा काठमाडौँ उपत्यका प्रहरी कार्यालयका प्रमुख, प्रहरी अतिरिक्त महानिरीक्षक दीपक थापाले उपत्यकाको ट्राफिक व्यवस्थापन र सार्वजनिक यातायात व्यवस्थापनमा विशेष ध्यान दिएर काम थालेको बताए ।
सभ्य सडक सँस्कारका माध्यमबाट सवारी दुर्घटना न्यूनीकरण गर्ने उद्देश्यले काठमाडौँ उपत्यका ट्राफिक प्रहरी कार्यालयले ट्राफिक सचेतना विशेष अभियान सुरु गरेको हो ।

थाइल्याण्डको औपचारिक भ्रमण ऐतिहासिक, शिखर सम्मेलन सफल : प्रधानमन्त्री ओली

अराजकता फैलाएर संविधान र व्यवस्थाप्रति वितृष्णा फैलाउने उद्देश्यले तीनकुने घटन…

कार्यवाहक प्रधानमन्त्री सिंहको सक्रियता : शिक्षक आन्दोलन समाधान देखि वायु प्रदूष…

ओलीसँगको भेटवार्तापछि भारतीय प्रधानमन्त्री मोदीले भनेः भारतले नेपालको सम्बन्धल…

प्रधानमन्त्री ओली र भारतका प्रधानमन्त्री मोदीबीच भेटवार्ता

‘समृद्ध नेपाल, सुखी नेपाली’ बिम्स्टेकका अन्तरवस्तुसँग गहिरोसँग प्रतिध्वनित हुन्छ…

बिम्स्टेक सम्मेलन सुरू

प्रतिक्रिया