कोभिडका कारण ज्यान गुमाएकाको परिवारलाई ५० हजार रुपैयाँ राहत

पोखरा  : गण्डकी प्रदेशमा कोभिड संक्रमणबाट मृत्यु भएकाको परिवारलाई प्रदेश सरकारले ५० हजार रुपैयाँ राहत उपलब्ध गराउने भएको छ । मुख्यमन्त्री कृष्णचन्द्र नेपाली पोखरेलले आउँदो वर्षको बजेट प्रस्तुत गर्दै उक्त घोषणा गरेका हुन् ।

मुख्यमन्त्री पोखरेलले कोभिड संक्रमण भएर मृत्यु भएका अभिभावकका सन्तानलाई ५ हजार रुपैयाँ मासिक भत्ता उपलब्ध गराउने घोषणा पनि गरे । अहिलेसम्म गण्डकी प्रदेशमा कोभिड संक्रमणबाट ८ सय हाराहारी जनाले ज्यान गुमाएका छन् । तर सरकारले ल्याएको बजेट भने आउँदो आर्थिक वर्षका लागि हो ।