म्यानचेस्टर युनाइटेडलाई हराउँदै आर्सनल शीर्ष स्थानमा

काठमाडौँ- आर्सनल फेरि इंग्लिस प्रिमियर लिगको शीर्ष स्थानमा उक्लिएको छ ।

आइतबार राति सम्पन्न खेलमा म्यानचेस्टर युनाइटेडलाई १-० गोलअन्तरले पराजित गर्दै आर्सनल फेरि लिगको शीर्ष स्थानमा उक्लिएको हो ।

आइतबार रातिको खेलमा आर्सनललाई जित दिलाउन लियान्द्रो ट्रोसार्डले २० औँ मिनेटमा निर्णायक गोल गरे ।

जितसँगै आर्सनलले ३७ खेलबाट ८६ अंक जोडेको छ । यता दोस्रो स्थानमा झरेको साविक विजेता म्यानचेस्टर सिटीको ३६ खेलमा ८५ अंक छ । सिटीले एक खेल खेल्न बाँकी छ ।

आर्सनलले अन्तिम खेलमा एभर्टनको सामना गर्ने तालिका रहेको छ । यता सिटीले भने ३७ औँ खेल टोटेनहम तथा अन्तिम खेल वेस्टहम युनाइटेडविरुद्ध खेल्ने तालिका रहेको छ ।