आईपीएल : गुजरातले कलकताको सामना गर्दै

काठमाडौँ- इन्डियन प्रिमियर लिग (आईपीएल) अन्तर्गत आज राति गुजरात टाइटन्सले कलकता नाइट राइडर्सको सामना गर्दैछ ।

गुजरात र कलकताबीचको खेल अहमदाबादमा नेपाली समयअनुसार राति ७:४५ बजेबाट सुरु हुने तालिका रहेको छ ।

जारी आईपीएलमा १८ अंकसहित कलकता शीर्ष स्थानमा छ । उसले १२ मध्ये ९ खेलमा जित हात पार्दा ३ खेलमा पराजय भोगेको छ । उसले प्लेअफमा स्थान सुरक्षित गरिसकेको छ ।

यता गुजरात भने १० अंकसहित आठौं स्थानमा छ । गुजरातले १२ मध्ये केवल ५ खेलमा जित हात पार्दा ७ खेलमा पराजय भोगेको छ । गुजरात प्लेअफ दौडबाट बाहिर नरहे पनि प्लेअफमा पुग्न भने कठिन छ ।