बिहीबार २१ चैत, २०८१
Thursday, April 03, 2025

आगलागी र वन डढेलोबाट वैशाखमा मात्रै २६ जनाको मृत्यु

काठमाडाैँ- वैशाखमा अधिकतम तापक्रममा वृद्धि भएसँगै मुलुकभर भएका आगलागी र वन डढेलोका घटनाबाट धेरै जनधनको क्षति भएको छ । वैशाखमा डढेलो तथा आगलागीका घटनामा परी देशभर २६ जनाको मृत्यु भएको जनाइएको छ । 

लामो समय सुक्खा खडेरी हुँदा वैशाखमा मात्र देशभर आगलागीका ८६१ र डढेलोका ५७३ घटना भएको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ । आगलागीका घटनामा परी २० जनाको मृत्यु भएको थियो भने ७३ जना घाइते भएका थिए । 

त्यस्तै डढेलोका घटनामा परी छ जनाको मृत्यु भएको थियो भने १३ जना घाइते भएको प्राधिकरणका प्रवक्ता डिजन भट्टराईले जानकारी दिए । आगलागीबाट एक हजार ३६४ र डढेलोबाट ४०७ घरपरिवार प्रभावित भएका थिए ।

त्यस्तै यस अवधिमा चट्याङबाट आठ जना, उचाइमा लेक लागेर दुई, बाढी र  जनावरको आक्रमणबाट एक/एक जनाको मृत्यु भएको थियो । वन तथा भू–संरक्षण विभागले दिएको जानकारीअनुसार वैशाख महिनामा मात्र यति धेरै डढेलोका घटना भएको सम्भवतः पहिलो पटक हो । नेपालमा खासगरी माघदेखि जेठसम्म बढी आगलागी र डढेलो लाग्ने गरेको छ । 

नेपालमा विशेष गरी तराई र भित्री मधेसका जिल्लामा वन डढेलो बढी लाग्ने गरेको विभागको वन डढेलो सूचना कक्षका वन अधिकृत गोविन्दकुमार श्रेष्ठले जानकारी दिए । यस वर्ष हिउँदे वर्ष न्यून भएका कारण पनि वन डढेलो धेरै देखिएको विभागको भनाइ छ ।

डढेलोका कारणमध्ये स्थानीयले घाँसको मुना पलाउने आशमा जानाजानी आगो लगाउने गरेका छन् । डढेलो वन व्यवस्थापनको राम्रो औजार भए पनि त्यो नियन्त्रित हुनुपर्ने वन क्षेत्रको जानकारको भनाइ छ । वनजङ्गलमा मानिस वनभोज जाने र आगो त्यतिकै छोड्दा हुने आगलागी, बिँडी, चुरोटका ठूटाबाट समेत वन डढेलो लाग्ने गरेको उनले जानकारी दिए ।

कतिपय संरक्षित क्षेत्रमा स्थानीयले प्रवेश गर्न नपाएको र स्रोतको प्रयोग गर्न नपाएको आवेगमा समेत आगो लगाउने गरेको देखिएको छ । पछिल्लो समय जलवायु परिवर्तन र वन डढेलो बीचको दुश्‍चक्रिय अन्तरसम्बन्धले समस्या जटिल बन्नुका साथै डढेलोका घटनासमेत वृद्धि भएको पाइएको जनाइएको छ । रासस

गेरु वस्त्रधारीले उँटलाई भारी बोकाएर माग्दै मोरङ्गका गाउँ-गाउँमा

गेरु वस्त्रधारीले उँटलाई भारी बोकाएर माग्दै मोरङ्गका गाउँ-गाउँमा

हुन्डी कारोबारमा  संलग्न रहेको आरोपमा करिब २१ रुपैयाँसहित चिनियाँ नागरिक पक्राउ

हुन्डी कारोबारमा संलग्न रहेको आरोपमा करिब २१ रुपैयाँसहित चिनियाँ नागरिक प…

महोत्तरीको चुरे क्षेत्रमा वायुप्रदूषण भयावह बन्दै

महोत्तरीको चुरे क्षेत्रमा वायुप्रदूषण भयावह बन्दै

ताला फुटाएर काठमाडौँ महानगरका प्रमुख कार्यकारी अधिकृत गुरागाईं कार्यकक्ष प्रवेश

ताला फुटाएर काठमाडौँ महानगरका प्रमुख कार्यकारी अधिकृत गुरागाईं कार्यकक्ष प्रव…

कार्यकक्ष प्रवेश गर्न पाएनन् काठमाडौँ महानगरका प्रमुख प्रशासकीय अधिृकत गुरागाईंले

कार्यकक्ष प्रवेश गर्न पाएनन् काठमाडौँ महानगरका प्रमुख प्रशासकीय अधिृकत गुरागाईं…

लामखुट्टेले हैरान पार्‍यो ? यी घरेलु उपायले भगाउनुस्

लामखुट्टेले हैरान पार्‍यो ? यी घरेलु उपायले भगाउनुस्

कन्याको आफन्तको सहयोगले महत्वपूर्ण काम हुने, मिथुनको व्यापारमा प्रशस्त फाइदा हुने

कन्याको आफन्तको सहयोगले महत्वपूर्ण काम हुने, मिथुनको व्यापारमा प्रशस्त फाइदा हु…

बालेनले काठमाडौँ आएका शिक्षकलाई भनेः सबै मिलेर चेतनशील समाजको निर्माण गरौँ

बालेनले काठमाडौँ आएका शिक्षकलाई भनेः सबै मिलेर चेतनशील समाजको निर्माण गरौँ