आऊ शासन गर

ब्वाँसो आऊ शासन गर
फ्याउरा आऊ शासन गर
स्याल, हाप्सिलो सबै आऊ
र हामीमाथि शासन गर
किनभने तिमीलाई भोट दिने मै हुँ ।
जुका आऊ शासन गर,
लामखुट्टे आऊ शासन गर
उपियाँ, उँडुस सबै आऊ
र हामीमाथि शासन गर
किनभने तिमीलाई नै मैले भोट दिएको हुँ ।
झिँगा आऊ शासन गर,
भुसुना आऊ शासन गर,
धमिरा, चेपागाँडा सबै आऊ
र हामीमाथि शासन गर ।
हिजो पनि त हामीमाथि
तिमीले नै शासन (रजाइँ) गरेका थियौ ।
हामीमाथि शासन गर्न
हामीले नै त हो तिमीलाई भोट दिएको ।
त्यसैले कत्ति पनि लाज नमानी
म तिमीलाई ‘बधाइ र शुभकामना’ दिँदै छु
किनभने आफूमाथि तिम्रो शासन चलाउन भोट दिने मै हुँ
मेरो सत्ता चलाउन तिमीलाई भोट हाल्ने हात मेरै हो,
सर्वज्ञ र सर्वशक्तिमान तिमीलाई ठान्ने र चुन्ने मन मेरै हो ।
त्यसैले लाज र घिन सबै पचाएर ‘बधाइ र शुभकामना’ दिँदै छु,
हिजो पिता पुर्खाले पनि तिमीलाई नै चुनेकै’थे
र मेरा भावी पुस्ताले पनि फेरि तिमीलाई नै चुनिरहनेछन् ।

पपगायिका पेरीसँग क्यानडाका पूर्वप्रधानमन्त्री ट्रुडो डेटमा

तमिल पावरस्टार श्रीनिवासन ठगी मुद्दामा प्रकाउ

बलिउड अभिनेता राजकुमार रावले गरे अदालतमा आत्मसमर्पण

अष्ट्रेलियाको अर्बनमा रामजी र शान्तिरानीले तीजमा नचाउँने

जेबिएस क्रियशनको नयाँ तीज गीत ‘रेलिमै’ सार्वजनिक (भिडियोसहित)

एक दशकपछि गायक शक्ति लामाको ‘सल्लाघारी….’ मार्फत भावनात्मक पुनरागमन (भिडियो)

ग्वान्जाओको एनआरएनए भेलामा आशिष सचिनको सनसनी प्रस्तुति

प्रतिक्रिया