सन्दीप लामिछानेलाइ भिसा दिन माग गर्दै र्‍याली

फाइल फाेटाे

काठमाडौँ - क्रिकेटर सन्दीप लामिछानेलाई विश्वकप खेल्न अमेरिकाको भिसाका लागि पहल गर्न माग गर्दै उनका समर्थकहरूले काठमाडौंमा र्‍याली निकालेका छन् ।

विश्वकप खेल्न अमेरिकन दूतावासले भिसा दिन इन्कार गरेको अवस्थामा सरकारले नै भिसाको पहल गर्नुपर्ने भन्दै उनीहरुले काठमाडौंको माइतीघर देखि बालुवाटारसम्म र्‍याली निकालेका हुन् ।

प्रदर्शनकारीले विश्वकपमा नेपाली टिमलाई बलियो रुपमा प्रस्तुत गर्न सन्दीपको सहभागिता हुनुपर्ने भएकाले विश्वकप खेल्न जान भिसा दिनुपर्ने माग गरेका छन् ।

र्‍याली पछि उनीहरुले प्रधानमन्त्री निवास बालुवाटार नजिक निषेधित क्षेत्रमा धर्ना दिएका छन् । सो क्रममा केही प्रदर्शनकारीले निषेधित क्षेत्र तोड्न खोजेपछि प्रहरीले हस्तक्षेप गरि हटाएको थियो ।