टी-ट्वान्टी विश्वकप भोलिबाट सुरु हुँदै, पहिलो दिन दुई खेल

काठमाडौँ- आईसीसी पुरुष टी-ट्वान्टी क्रिकेट विश्वकप भोलिदेखि वेस्ट इन्डिज र अमेरिकामा संयुक्तरुपमा आयोजना हुँदैछ ।

विश्वकपको पहिलो दिन दुई खेल हुने तालिका रहेको छ । पहिलो दिनको पहिलो खेलमा सह-आयोजक अमेरिकाले क्यानाडाको सामना गर्ने तालिका रहेको छ ।

समूह 'ए' मा रहेका अमेरिका र क्यानाडाबीचको खेल डल्लासको ग्रान्ड प्रेरी क्रिकेट स्टेडियममा नेपाली समयअनुसार बिहान ६:१५ बजेबाट सुरु हुने तालिका रहेको छ ।

भोलि नै समूह 'सी' मा रहेका वेस्ट इन्डिज र पपुवा न्यूगिनी (पीएनजी) बीचको खेल हुने तालिका रहेको छ ।

वेस्ट इन्डिज र पीएनजीबीचको खेल गुयाना नेसनल स्टेडियममा नेपाली समयअनुसार राति ८:१५ बजेबाट सुरु हुने तय भएको छ ।