बीजेपीको जितको भविष्यवाणी गरेपछि सेयर बजार रकेटको गतिमा बढ्यो

काठमाडौँ - एक्जिट पोलले बीजेपीको जितको भविष्यवाणी गरेपछि सेयर बजार रकेटको गतिमा बढेको छ । सोमबार बिहान शेयर बजारमा भारी उछाल आएको छ । सेन्सेक्स झण्डै दुई हजार अकंले बढेको छ ।

जबकि निफ्टी प्रि–ओपनिङमा झण्डै एक हजार अकंले बढेको थियो । एक्जिट पोल बाहिरिएपछि शेयर बजारमा यो वृद्धि देखिएको हो । लोकसभा चुनावको एक्जिट पोलले नरेन्द्र मोदी सरकार तेस्रो पटक सत्तामा आउने प्रक्षेपण गरेको छ ।

तर, विपक्षी दलहरूको गठबन्धन भारतले यी एक्जिट पोललाई गलत भन्दै २९५ सिट जित्ने आशा व्यक्त गरेको छ ।