मैत्रीपूर्ण फुटबलः इंग्ल्यान्ड पराजित, स्कटल्यान्ड र फिनल्यान्डको बराबरी

काठमाडौँ- यूरो कपअघिको मैत्रीपूर्ण फुटबल खेलमा इंग्ल्यान्डले आइसल्यान्डसँग पराजय भोगेको छ ।

शुक्रबार राति भएको खेलमा आइसल्यान्डले इंग्ल्यान्डलाई १-० गोलअन्तरले पराजित गरेको हो ।

आइसल्यान्डको जितमा जोन डागुर पोर्सटेइनसनले १२ औँ मिनेटमा निर्णायक गोल गरे ।

अर्को खेलमा स्कटल्यान्डले फिनल्यान्डसँग २-२ गोलको बराबरी खेल्यो ।

फिनल्यान्डका लागि बेन्जामिन कालमन र ओलिभर एन्टम्यानले एक-एक गोल गरे ।

स्कटल्यान्डका लागि लओरेन्स शान्कल्यान्डले एक गोल गर्दा फिनल्यान्डका आर्टु होस्कोनेनले एक आत्मघाती गोल गरे ।