भिनिसियसमाथि रंगभेदी दुर्व्यवहार गर्ने भ्यालेन्सियाका समर्थक पक्राउ

काठमाडौँ- स्पेनिस क्लब रियल मड्रिडका फरवार्ड भिनिसियस जुनियरमाथि रंगभेदी दुर्व्यवहार गरेको आरोपमा स्पेनिस क्लब भ्यालेन्सियाका तीन समर्थक पक्राउ परेका छन् ।

रियल मड्रिडले जनाएअनुसार सेस्टाला स्टेडियममा भ्यालेन्सिया र रियल मड्रिडबीचको खेलका क्रममा ब्राजिलियन फरवार्ड भिनिसियसमाथि दुर्व्यवहार गरेको आरोपमा तीन जना पक्राउ परेका हुन् ।

उनीहरुलाई स्टेडियममा आजीवन प्रवेशमा प्रतिबन्ध समेत लगाइएको रियल मड्रिडले जनाएको हो ।

उक्त घटना सन् २०२२/२३ को सिजनअन्तर्गत मे २१ तारिखमा भएको खेलका क्रममा भएको थियो ।