ताप्लेजुङ पहिरो पीडितलाई राहत र क्षतिपूर्तिको व्यवस्था गर्न योगेश भट्टराईको माग

फाइल फोटो

काठमाडौँ - नेकपा एमालेका सांसद योगेश भट्टराईले अविरल वर्षाका कारण गएको पहिरोले ताप्लेजुङमा धनजनको क्षति भएको भन्दै राहत र क्षतिपूर्तिको व्यवस्था गर्न सरकारको ध्यानाकर्षण गराएका छन् । 

शुक्रबार प्रतिनिधिसभा बैठकमा भट्टराईले ताप्लेजुङका विभिन्न स्थानका साथै गएराति पहिरोले फक्ताङलुङ गाउँपालिकामा चार जनाको मृत्यु भएको र केही घाइते भएको भन्दै राहत र क्षतिपूर्तिको व्यवस्था गर्न सरकारको ध्यानाकर्षण गराएका हुन् । 

उनले हिमाली र पहाडी क्षेत्रको जोखिम न्यूनीकरण गर्न एकीकृत वस्ती विस्तारतर्फ जानुपर्ने बताए । 

बैठकमा सभामुख देवराज घिमिरेले सांसदहरुले आकस्मिक, शुन्य र विशेष समयमा उठाएका बिषयहरुमा सरकारको ध्यानाकर्षण गराए ।