‘अझै तीन दिनसम्म मौसममा सुधार हुँदैन’

काठमाडौँ । जल तथा मौसम विज्ञान विभाग, मौसम पूर्वानुमान महाशाखाले अझै तीन दिनसम्म मौसममा कुनै सुधार नहुने जनाएको छ । 

देशभर मनसुनी वायुको प्रभाव रहेको र हाल देशको दक्षिण भू–भाग नजिक मनसुनी न्युन चापीय रेखा रहेकाले तीन दिनसम्म मौसममा कुनै सुधार नहुने विभागका मौसमविद् समिर श्रेष्ठले बताए ।

देशभर आंशिकदेखि सामान्य बदली रही  प्रदेश १,  सुदूरपश्चिम प्रदेश र कर्णालीमा धेरै र देशका पहाडी भू–भागका केही स्थानहरुमा हल्का वर्षा भएको श्रेष्ठले बताए । तीन दिनसम्म मेघगर्जन÷चट्याङ्गसहित भारी वर्षा हुने सम्भावना रहेकोले तटीय क्षेत्रमा सतर्कता अपनाउनुपर्ने उनको भनाइ छ ।  

उनले बर्षायाम भएकाले सबै क्षेत्रमा हुने जोखिमलाई मध्यनजर गर्दै सतर्क हुनुपर्ने बताए ।