उपप्रधानमन्त्री सिंहसँग जापानका सांसद अराता नेतृत्वको प्रतिनिधिमण्डलको भेटवार्ता

काठमाडौँ- नेपाल भ्रमणमा रहेको जापानका सांसद एवं प्रतिनिधिसभा न्यायिक मामिला समितिका सभापति ताकेवे अराता नेतृत्वको प्रतिनिधिमण्डलले उपप्रधान एवं शहरी बिकास मन्त्री प्रकाशमान सिंहसँग भेटवार्ता गरेको छ ।

सोमबार सिंहदरबारमा भएको भेटवार्ताका क्रममा दुई पक्षीय सम्बन्धका बारेमा कुराकानी भएको थियो । भेटका क्रममा नेपाल-जापान सम्बन्धका बारेमा चर्चा गर्दै नेपाललाई गरिरहेको सहयोगप्रति मन्त्री सिंहले आभार व्यक्त गरे । त्यस्तै जापानमा पनि धेरै नेपालीहरू रहेकाले धेरै कुरा सिक्ने मौका पाएको उनले बताए ।

त्यस्तै सिंहले जलवायु परिवर्तन न्यूनीकरण गर्न दुई देशबीच सहकार्य गर्न सकिने धारणा राखे ।

जापानी प्रतिनिधिमण्डलले नेपालमा लगानी गर्न चाहने धेरै रहेकाले त्यसको वातावरण बनाउनुपर्नेमा जोड दिएका थिए । जापानी प्रतिनिधिमण्डलले सोमबार नै राष्ट्रपति रामचन्द्र पौडेलसँग शिष्टाचार भेट गरेको थियो । 

भिडियो: