मुलुकको समस्या समाधान गर्न अहिलेको व्यवस्थाले सक्दैन, विकल्प खोजौँ : कमल थापा

काठमाडौँ- राप्रपा नेपालका अध्यक्ष कमल थापाले मुलुकमा अहिले कायम बेथिति, विकृतिको अन्त्यको निमित्त देशले बलियो राष्ट्रवादी प्रजातान्त्रिक शक्ति खोजिरहेको बताएका छन् ।

'भ्रष्टाचार, बेरोजगारी, धर्म परिवर्तन, आर्थिक मन्दीलगायतका समस्या समाधान गर्न अहिलेको राज्य प्रणालीले सक्दैन,' थापाले भने । अहिलेको व्यवस्था असफल साबित भइसकेको अब विकल्प खोज्नुपर्नेमा उनको जोड थियो । 

मुलुकलाई सही दिशा दिनका लागि आन्दोलनको विकल्प नभएको भन्दै थापाले बलियो संगठन निर्माण गरेर आन्दोलनको तयारीमा जुट्न कार्यकर्ताहरूलाई आग्रह गरे ।

देशव्यापी संगठन सुदृढीकरण अभियान संचालन आजको प्रमुख आवश्यकत भएको चर्चा गर्दै थापाले महाधिवेशनको मितिलाई मध्यनजर गरेर इकाई अधिवेशनको काम सम्पन्न गर्नुपर्ने समेत बताए । कार्यक्रममा डा. बिष्णु भण्डारी, राजाराम बर्तौला "चुनेली" श्याम घिमिरे, देबेन्द्र श्रेष्ठ लगायतले बोलेका थिए ।