चाइनिज पुर्‍याएर अमेरिकन लिन जाँदै थियो डाइनेस्टीको हेलिकप्टर

काठमाडौँ - नुवाकोटको शिवपुरीमा भएको हेलिकप्टर दुर्घटनामा चार जना यात्रुसहित पाइलटको मृत्यु भएको छ । चार जना चाइनिज र एक नेपालीको मृत्यु भएको जिल्ला प्रहरी कार्यालय नुवाकोटका एसपी शान्तिराज कोइरालाले जानकारी दिए । 

कोइरालाका अनुसार शिवपुरी गाउँपालिका–७  शिवपुरी जङ्गलको सूर्यचौर क्षेत्रमा हेलिकप्टर दुर्घटना भएको हो ।  उक्त हेलिकप्टर क्याप्टेन अरुण मल्लले उडाइरहेका थिए । 

नेपाल नागरिक उड्डयन प्राधिकरणक सहप्रवक्ता ज्ञानेन्द्र भूलका अनुसार स्याफ्रुबेसी जाँदै गरेको हेलिकोप्टर आउँदा वा जाँदा दुर्घटना त्यस विषयमा यकिन नभएको उनले जानकारी दिए ।

‘हेलिकोप्टरले चाइनिजलाई पुर्‍याएर अमेरिकनलाई लिएर फर्कने तयारी थियो,’ उनले इकागजसँग भने । एयर डाइनेस्टीको कलसाइन नाइनएन एजेडी हेलिकप्टर सूर्यचौरमा दुर्घटनामा परेको हो । काठमाडौंबाट १ बजेर १४ मिनेटमा उडेको हेलिकोप्टर तीन मिनेटमै सम्पर्कविहीन भएको थियो