नेपाल-भारत सीमा नाका खोल्न माग गर्दै वीरगन्जमा प्रदर्शन

वीरगन्ज : सीमा नाका खोल्न माग गर्दै शुक्रबार विरगंजमा प्रदर्शन भएको छ । नेपाल भारत खुल्ला सीमा संवाद समूह पर्साले शुक्रबार वीरगंजको मुख्य भन्सार क्षेत्रमा पुगी प्रदर्शन गरेको हो । 

उनीहरूले बिहान ९ बजेदेखि १० बजेसम्म मुख्य भन्सार क्षेत्रमा धर्ना दिएका थिए । माग पूरा नभएसम्म दैनिक रुपमा एक घण्टा धर्ना दिइने समूहका अध्यक्ष कृष्ण पटेलले बताए। धर्नामा समाजवादी पार्टी पर्साले पनि ऐक्यदद्धता जनाएको छ ।