म्हेपीमा सामाखुसी खोलाले घर अगाडिको वाल भत्कायो

काठमाडौँ- शनिबार राति आएको वर्षाले सामाखुसी खोलाको सतह बढ्दा घर छेउको पर्खाल भत्काएको छ । 

काठमाडौँ महानगरपालिका -२६  मा एक घर अगाडि खोलाको वाल भत्कँदा बाटो हिँड्नेलाई जोखिम बढेको छ ।

घर अगाडिको केही भाग भत्काएको एक स्थानीयले बताए । राति आएको वर्षाले खोला किनारको वालमा असर गरेको उनको भनाइ छ ।

सोही बाटो भएर मानिसलाई ओहोरदोहोर गर्न गाह्रो भएको छ । स्थानीयका अनुसार तत्काल महानगरले व्यवस्थापन नगरेमा वडाबासीलाई असर पर्छ ।

महानगरका विपद व्यवस्थापन विभागका प्रहरी उपरीक्षक विष्णुप्रसाद जोशीले सामान्य क्षति गरेको बताए । महानगरको टोली बिहानै अनुगमन गरिसकेको उनले जानकारी दिए ।

हेर्नुहोस् भिडियो