नेपाल संगीत उद्योग संघमा प्रहरीको छापा

फाइल फाेटाे

काठमाडौँ - नेपाल प्रहरीको मानव बेचबिखन अनुसन्धान ब्यूरोले काठमाडौँको अनामनगरस्थित नेपाल सङ्गीत उद्योग संघको कार्यालयमा आज छापा मारेको छ ।

आज ब्यूरोको टोलीले संघको कार्यालयमा छापा मारी केही कागजात तथा कम्प्युटरको ‘हाडडिक्स’ बरामद गरेको मानव बेचबिखन अनुसन्धान ब्यूरोका प्रवक्ता एवं प्रहरी उपरीक्षक गौतम मिश्रले जानकारी दिए । 

उनले भने, “तीनदेखि संघको कार्यालय बन्द थियो, आज खुलेपछि हाम्रो टोलीले त्यहाँबाट माइनुटबुक, लेटरप्याड र कम्प्युटरको हाडडिक्स बरामद गरी ल्याएका छौँ ।” नक्कली कागजात बनाएर मानिसलाई विदेश पठाउने गरेको सूचनाका आधारमा ब्यूरोले आज छापा मारेको प्रवक्ता मिश्रले बताए । 

“नक्कली कागजात बनाएर मानिसलाई विदेश पठाउने गरेको सूचना पाएका छौँ”, उनले भने, “सोही विषयमा छानबिन गर्न आज छापा मारेर सङ्गीत उद्योग संघका पदाधिकारीको रोहबरमा कागजपत्र नियन्त्रणमा लिएका छौँ ।”