सरकारबाट बाहिरिनुपर्दा माओवादीलाई कुनै पीडा छैन : देवेन्द्र पौडेल

फाइल फाेटाे

काठमाडौँ - नेकपा माओवादी केन्द्रका सचिव देवेन्द्र पौडेलले सरकारबाट बाहिरिनुपर्दा माओवादीलाई कुनै पिडा नरहेको बताएका छन् । 

बुधबार संसद भवन नयाँ बानेश्वरमा सञ्चारकर्मीसँग कुरा गर्दै पौडेलले सरकारबाट बाहिरिएपछि जनतामा जाने र पार्टी बलियो बनाउने अवसर प्राप्त भएको भन्दै सरकारबाट बाहिरिनुपर्दा माओवादीलाई कुनै पिडा नरहेको बताएका हुन् ।

सत्तामा रहँदा माओवादी पार्टी फुट्ने वा जनताको मत घट्ने देखिएको उनले बताए । उनले जनताको पक्षका मुद्दा र एजेण्डा उठाउनका निम्ति प्राप्त अवसरलाई सदुपयोग गर्ने जिकिर गरे । ​

उनले अहिलको अवस्थामा नेपाली कांग्रेसले निष्पक्षता पूर्वक आफ्नो भूमिका निर्वाह गर्नुपर्नेमा जोड दिए ।