टेलिग्रामका मालिक पावेल दुरोभले फ्रान्स छोड्न पाउने छैनन्

काठमाडौँ -मेसेजिङ एप टेलिग्रामका मालिक र संस्थापक पावेल डुरोभलाई फ्रान्स छोड्न प्रतिबन्ध लगाइएको छ। 

पेरिसका अभियोजकहरूले म्यासेजिङ एपमा संगठित अपराधको अनुसन्धानको भागको रूपमा पावेल डुरोभलाई फ्रान्समा औपचारिक अनुसन्धान अन्तर्गत राखिएको बताएका छन्।

३९ वर्षीय दुरोभलाई हिरासतमा राखिएको छैन। उनलाई न्यायिक निगरानीमा राखिएको छ । उनले पाँच मिलियन युरो जम्मा गर्नुपर्नेछ।

रुसी मुलका अर्बपति दुरोभ पनि फ्रान्सेली नागरिक हुन् । उनी हप्तामा दुई पटक फ्रान्सेली प्रहरी चौकीमा हाजिर हुनुपर्नेछ । उनलाई फ्रान्सबाट बाहिर जान अनुमति छैन।

गत शनिबार, पावेल दुरोभलाई पहिलो पटक पेरिसको बोर्जेट विमानस्थलमाबाट पक्राउ गरिएको थियो।