नायिका पुजा शर्माले भनिन्ः फिल्म आउनु अगाडि शत्रुहरू लागे

तस्विरः फाइल फोटो

काठमाडौँ- नायिका पुजा शर्मा र गायिका समीक्षा अधिकारीको सामाजिक सञ्जालमा दोहोरो भिडन्त भएको छ । केही घण्टा अगाडि गायिका अधिकारीले फेसबुकमा पुजा शर्माले बोलेको भिडियो सेयर गर्दै केही टिप्पणी गरेकी थिइन् ।

लगतै शर्माले फेसबुकमा प्रतिक्रिया दिएकी छन् । उनले भनेकी छन्,’  आज गायिका बहिनीले मलाई जोडेर मेरो भिडियो सेयर गरेर जुन नकारात्मक सन्देश दिन खोजेकि छन्; त्यसमा मेरो गम्भिर आपत्ति रहेको छ ।‘

भिडियो सबै हेरेर मात्र उनले प्रतिक्रिया दिन अनुरोध गरेकी छन् । शर्माले थप लेखेकी छन्,’

यो विषमा म नबोलु भनेको र बोल्न आवश्यक पनि ठान्थिन् तर यसरी मेरो फिल्म आउनुभन्दा २/४ दिन अगाडि (पहिला पनि र अहिले पनि); मलाई तार्गेट गरिन्छ भने; म पनि बाध्य भएर बोले । मिडियामा आएका मेरा सम्पूर्ण सामाग्रीहरू नितान्त प्रोफेसनल  हुन् । यो बाहेक मेरा र ति बहिनिको पनि आफ्नो व्यक्तिगत जीवन होला । त्यसमा न म कहिले बोले र कहिले बोल्नेछु र सम्बन्धित सबैलाई पनि नबोल्न अनुरोध गर्दछु ।

फिल्म आउनु अगाडि शत्रुहरू लागेको उनले धारणा राखेकी छन् ।