पूर्वमुख्यमन्त्री केदार कार्की अनशनस्थलबाटै पक्राउ

फाइल फाेटाे

काठमाडौँ - पूर्वमुख्यमन्त्री केदार कार्की अनशनस्थलबाटै पक्राउ परेका छन् । कार्कीले प्रदेशसभा सचिवालयको गेटअगाडि अनसन सुरु गरेका थिए । जिल्ला प्रशासन कार्यालय मोरङले निषेधाज्ञा जारी गरेको स्थानमा कार्कीले अनसन सुरु गरेपछि उनी पक्राउ परेका हुन् । कार्कीलाई पक्राउ गर्दा सुरक्षाकर्मी र कार्कीका समर्थकबीच दोहोरो झडप भएकाे थियो । 

झडपपछि कार्की र उनका केही समर्थकलाई प्रहरीले नियन्त्रणमा लिएको छ। निषेधाज्ञाको बेवास्ता गर्दै आफ्ना समर्थकका साथमा कार्की ४ बजेदेखि अनशन बसेका थिए । 

आफू मुख्यमन्त्री भएका बेला सुरु गरेका महत्वपूर्ण र जनउत्तरदायी कार्यक्रमहरू अहिलेको सरकारले कटौती गरेको भन्दै पूर्वमुख्यमन्त्री कार्की अनशन बसेका थिए । आफू नेतृत्वको सरकार हुँदा सञ्चालन गरिएका यी कार्यक्रम सरकारले कटौती गरेको भन्दै कार्कीले विरोध गरिरहेका छन् ।